"Ibaadat"

Dil mein teri chahat ke siwa kuchh bhi nhi...
Zindagi meri ibaadat ke siwa kuchh bhi nhi...
Mai tere dar per kyu'n na sajda karu'n....????
Mere daman mein duao'n ke siwa kuchh bhi nhi...
Ai sanam mujhse na puchh mere gam ka sabab...
Mere paas ashk-e-nedaamat ke siwa kuchh bhi nhi...
Tu masiha hai mohabbat ka..ye khabar hai mujhko...
Meri dhadkane teri amaanat ke siwa kuchh bhi nhi...
Wo to mar ker mujhe mil hi gaya chain warna...
Zindagi ek sulagti chita ke siwa kuchh bhi nhi..........!!

'Haa'n yahi sach hai'

Kuchh dino ke liye khud ko zindagi ke dharre se alag kar lo...kinaare pe khade chup chap dekhte jao kya ho rha hai...aur....si rf aa'nsoo baha baha kar apna jee halka karte jao...magar ye mat bhoolna ki doosre kinaare per khada koi aur tumhare aa'nsoo ke har ek katre ko apne dil mein rakhta jaa rha hai....'Haa'n yahi sach hai'...........

'Adaawat'

Tumhein mujhse mohabbat nhi....na sahi....
Gairo'n pe hi'n tumhari inaayat sahi....
Rishta to kuchh hum dono ke beech bhi hai....
Nahi ishq ye...adaawat hi'n sahi......!!!! —

'Tumhari yaado'n ke diye raushan rahe'

Mujhe pata hai ki iss jeevan mein...
ek baar phir..mujhe ek naya aayam kayam karna hoga...
'magar ksise'???
janti hu'n mai..tumse alag..kisi naye aayam ko shuru karna...
mere liye mushkil hi nahi..namumkin hai...
Suno....'kasam hai tumhe'...
meri iss zid se tum dukhi na ho...
kam se kam mere under ye yakee'n to hai...
ki'Tum'...'sirf Tum'...
samajh sakte ho mere jajbaat ko...
aur mera yahi yakee'n meri taaqat hai...
Tumhi'n bolo..ye jaruri to nahi ki jeevan mein koi sathi mile hi...
aur ye kaise mumkin hai..ki wo tum jaisa hi hoga...
nhi..ab aur koi bazi nhi...
isliye'Tum'apni ye zid chhod do...
aur saamna karne do mujhe akele hi'n...
inn andhero ka...
shart sirf itni hai ki..dil mein...
'tumhari yaado'n ke diye raushan rahe'n'........

'Pritam'

har baar tumhe yaad kiya...
har pal tumhe apne under mahsoos kiya hai maine...
nhi janti kya rishta hai mera tumse...
shayad jo Meera ka Shyam se tha...
maine bhi to tumhare pyar mein.. pal..pratipal bish hi piya hai...
apno se hi thokare'n khai hain...
phir bhi tum nirantar mere khwaabo mein mere sath rahe...
'Pritam'meri har soch tumse shuru hokar tum per hi khatam ho jati hai...
maine tumhe kabhi dekha nhi...
sirf mahsoos kiya hai...
apni antraatma mein...
jab bhi tutati hu'n..bilakh kar rona chahti hu'n...
ek sargoshi si hoti hai mere kano mein...
haa'n tumhi to ho...
ye aawaz hi to mere liye tumhari pehchan hai...
har pal tumne mujhe hausla di hai...
'Rashmi'tum kabhi haar nhi sakti...
dekho tumhari kirno se subah ki shuruaat hoti hai...
haa'n ye sach hai...
magar aaj mai phir tutne lagi hu'n...
tumhe pukarna chahti hu'n...
magar kaise..???
tumhara naam bhi to mai nhi janti...
tumhari ek dhoondhli chhavi ke siwa kuchh bhi to nhi hai mere paas....
'Pritam'..tum kaha'n ho...
dekho tumhari'Rashmi' subah ki lalima ke sath jalne lagi hai...
dheere dheere jab surya ast hoga...
wo bhi apne andhero mein kho jayegi...
thak gai hu'n mai iss chakr se...
bas ab tharaw chahti hu'n...
ek cheer nidra...
bas ek baar mere kano mein sargoshi karo...
us aawaz ki sheetalta mere under ki jalan ko kam kar degi...
phir mai aaram se tumhari yaado'n ke daaman se lipat kar so jau'ngi...
tab tumhari koi sargoshi mujhe jaga nhi payegi...
'Pritam'..jante ho kyu'n...???
kyu'nki mai ab tum mein bileen ho chuki hu'n...
bas yahi ek rishta tha hum dono ke beech...
'Pritam'...tum rona nhi...
mai tumse phir miloo'ngi...
ek aur janam loo'ngi... jo sirf tumhara hoga...
mera intazaar karna........!! !!

"Kahaln ho Tum ??"

'Pritam'..kaha' n ho tum....???
kis duniya mein gum ho jaha'n tum tak meri pukar nhi pahu'nch pati...
tum to aise na the...
apni'Rashmi'ki dhadkan ke ehsaas se bhi..tum mahsoos kar lete the ki maine tumhe yaad kiya hai...
'Pritam'mujhe kabhi tumse kuchh kahne ki jarurat nhi padi...
jante ho na kyu..kyu'nki tumne har pal meri khamoshiyo'n ko samjha hai...
magar aaj meri rudan ki aawaz bhi suni-ansuni ho chali hai...
tumhari virah ki jwala mein mai pal pratipal rakh hoti ja rhi hu'n...
bas ek khwahish hai..kahu'n... tumse....???
manoge......???
jis din mai tumhari virah vedna mein jalkar bilkul bhasm ho jao'n...
meri raakh ko apne charno se sparsh kar dena...
shayad meri atript aatma ko mukti mil jaye...
aur kuchh rakh utha kar Ganga mein prawahit kar dena...
shambhawt mrityu prant hi uss sheetal jal mein mujhe thandak mil jaye....
'Pritam'karoge na apni'Rashmi'ki ye ichha puri...???

मन

किसकी तलाश में है तू ऐ मन
कौन सी चाह अधूरी है...
खवाबों की इस दुनियाँ में
किसकी चाहत पूरी है...
जीवन के सफर का तू
एक अलबेला राही...
सच्चाई से अंजान है तू
खुद से लड़ना,दर्द को सहना
यहाँ इंसान की मजबूरी है।